Ua faailoa e le taitai o le vaega faaupufai a le National, Christopher Luxon e le o iai se fuafuaga e faia se maliega ma le pati a Maoli e fausia ai se faigamalo.
Fai mai a ia e ala i se faamatalaga tusitusia na faamatuu i le aufaasalalau i le asō, o le National o loo taulai le latou vaai i le faaleleia o le soifuaga mo tagata uma o Niu Sila.
Fai mai Luxon e pei ona lipotia, o le aualalaupapa i le va o le National ma le Pati Maoli ua lautele tele e faigata ona tapuni, ma ua ia faamanino i lea faamatalaga i le asō, o le palota mo le pati a Maoli o le palota lea mo le Leipa, Greens ma le Maori Party Coalition.
Na ia ta’ua foi o se faigamalo a le National pe afai ae malo mai i le palota, o le a kilivaina se pulega lelei toe malosi tau tupe e tali atu ai i le mataupu i le taugata o le soifuaga ma o le a siitia ai tupe maua mo tagata Niu Sila i le aga atu i le lumanai.
E le o faailoa se finagalo o le pati a Maoli i ia faamatalaga a le taitai o le National.
