O le faaogaina o otaota o manu e maua mai ai le kesi poo le biogas mole faaaogaina i le kukaina o taumafa a aiga poo sesi lava mea o se seleni tele lea o lea sefe ese aiga latou te faaogaina.

E toalua ni tama fai lafumanu Tafili Fineaso Aimaasu mai le afioaga o Maagiagi ma Limutau Seumanutafa o Aleisa oi laua ia ua faamanuia a la talosaga mo le fausia lea o nei metotia e faaoga e toe maua mai ai le kasa poo le kesi e faaogaina ai otaota o meatuaolo.

Ae le gata i lea e mafai ona faaogaina ai otaota o laau ma tagata sei tulou e pei ona iai fausaga o nei vaega.

Na taua e Tafili o se fesoasoani tele olea mafai ona maua mai lenei foi poloketi.

“Olea sefe le malosi latou aua e pei o le tulaga na iai e lua lava masina ma fai taga fafie e faaoga e tafu ai meaai a puaa.”

“E tele lona aoga mo au ma lou aiga o le aiga nei foi e le toatele se au faigaluega ua tele ai le sefe o le tupe.”

“Momoli ai le faafetai i le Matagaluega o el Siosiomaga ona o le taliaina foi o le talosaga a lenei aiga mo se biogas e leo se mea taugofie ma faigofie ona fausiaina ae olea agaga lava ia tuasia lelei ma ia umi lona aoga i le atinae o le aiga.”

O le agaga foi lea ia Seumanutafa e tusa ai  o le taumafaiga o lana lafu meatuaolo i Aleisa.

“Sa moomoo lava le loto i se mea faapea ao lea ua tali mai le Matagaluega e ala lenei fesoasoani.”

Ua silia ma le 50 meatuaolo oloo fagaina e Seumanutafa i le nofoaga i Aleisa sa siitia mai Vaivase ona o le tulaga faaletonu o le manogi ma tonu ai loa e faatino loa i le nofoaga o iai nei.

“Tusa o le galuega tele lenei i aso uma o au masi au fanau faapea nmai uso foi oloo faigaluega ai e tafu meaai a puaa sei tulou ia o fafie lava e manaomia e faatino ai.”

“Ae o lea ua iai le masini lenei olea faafaigofie ai aua o le tele o meaai o lapisi mai faleaiga o meaai totoe ia a amai e toe saka lea mo puaa.”

“Faafetai lava i le Matagaluega i lenei faamama avega faafetai le manatu mai foi i atinae anai o tatou tagata.”

O le tau atoa o lenei poloketi e tusa lea ma le $20,000 ma oloo faatupeina i lalo o fesoasoani a le Vaega o Suavai o le Global Environment Facility male Faalapotopotoga o polokalame ma matinae a Malo Aufaatasi(U.N.D.P) ma ua maea foi ona faatino aoaoga a i latou oloo faaogaina nei masini.