O le alii pese Ausetalia o Baker Boy lea ua manumalo i le Aria Award mo le album o le tausaga, album of the year i le uluai taimi lea ua toe faataunuuina ai le Aria Awards talu mai le 2019.
O Baker Boy, o se indigenous Australian pe na tupuga mai ia i latou sa muai nofoia laueleele o Ausetalia; sa ia faia lana faamatalaga faafetai ina ua tauaaoina lea faailoga i le gagana yolngu matha o le gagana a le faaitu i Matu o Arnhem land ma aualofa ai i lea faailoga mo lona aiga.
I lea lava sauniga sa faamanuiaina ai foi le Wiggles i le best childrens album.
