Ua manino nei le faaaogaina o le foai tupe e 220 afe tala Ausetalia na faailoa e le Minisita o mataupu tau atina’e a lea Malo a o asiasi mai i lo tatou atunuu i le vaiaso na tea nei.
Ua faailoa e le alii Minisita o Pat Conroy ina ua fesiligia e tusitala, e le gata o le fesoasoani a lona Malo e tauala mai i le polokalame o le SportAus e mo tapenaga a le Manu Samoa i le Ipu o le lalolagi, ae faatino ai foi polokalame a le Lakapi Samoa mo le unaia o le auai o le itupa o tamaitai i le taaloga lakapi, faapea ma lo latou auai i aoaoga e avea ai nisi o i latou ma faiaoga o le taaloga i le lumanai.
O le tasi o vaega tāua o lenei foai tupe o le unaia atili o le atina’e o le lakapi i lo tatou atunuu.
