Search
Search
Photo Credit: RNZ

Faamanino e le minisita suiga e pei ona fuafuaina e le Matagaluega mo tagata e iai aafiaga tumau o le soifua  

Saunoa le Minisita mo mataupu e aofia  ai tagata e  iai aafiaga tumau o le soifua, Penny Simmonds e lei lava le galuega sa faatino e le matagaluega, Ministry for Disabled People e faailoa ai suiga i le faatupeina o auaunaga patino ia i latou.O lea ua faailoa mai suiga o tulafono faatatau i le faatauina o meafaigaluega ma auaunaga fesoasoani mo e iai aafiaga tumau o le soifua ma ua faailoa  e le One News le saunoaga a le sooupu a le Leipa ile mataupu lea, Priyanca Radhakrishnan e faapea o le faatupega o ia auaunaga ua faaitiitia ma o suiga la ua faaitiitia ai foi ma le tulaga e fetuutuunai ai ma filifiilga e faia, ua pei ua toe foi i tua i le 20 tausaga talu ai. 

O nisi ua iai popolega i le lē gafatia ona totogi caregivers poo tausi soifua e fesoasoani ia i latou i galuega ma faatauga. Peitai ua faailoa manino e le minisita i le aso o suiga e le aafia ai tagata e iai  aafiaga tumau o le soifua e faimalaga i totonu lava o lona aai, fai mai le minisita o le toatele la ua manatu o suiga ua folafola mai o le a aafia ai i latou i le itu aemaise o le lē gafatia o totogi mo tagata e fesoasoani ile tausiga o latou, peitai manatu le minisita e mafua mai le nunumi, o le matagaluega i le faailoaina mai o suiga. Ma ua maea ona ia talanoa i le aufaigaluega ina ia  faaleleia le itu tau fesootaiga. 

 Ole saunoaga a le ofisa sili o le Autism NZ ile lipoti lea ua ta’ua ai o se tulaga faanoanoa tele ona e leai ma ni feutanaiga na faia ile mataupu lea ma le tagatalautele e iai aafiaga tumau o le soifua. 

Tala sili ona faitaulia

SAMOA UPDATE

PODCAST

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required