Ua faamatuu mai le faaiuga o se lipoti fou mai le ofisa o le Komesina o Sulufaiga, Peter Boshier ua unaia ai le Matagaluega o Faasaoga ina ia faavave ona faaleleia nisi o tulaga i fale faigaluega ma faaletonu tau taitaiga.
Fai mai Boshier i lana suesuega i le tali atu a le Matagaluega i valaau mo mea fia faaleleia i le faiga o pagota ma atagia ai se faalapotopotoga e le o tasi.
Na faamanino e le komesina ua ia mataituina se faaletonu i le itu tau taitaiga, leadership i le mataupu na tulai mai i le falepuipui i Waikeria i le 2020/2021 e aofia ai le aufaigaluega i le falepuipui ma le ofisa autu.
Na faailoa e le komesina sa faateia foi ina ua maua i suesuega e le o ogatotonu i faiga faaiuga o loo faia, le aiātatau a pagota auā e iai matafaioi faaletulafono e ao i le matagaluega ona mulimulitai e pei o le tuuina o faiga talafeagai mo pagota, ia saogalemu ma ia ausia tulaga faatulagaina mo lo latou soifua manuia ma ua fautuaina ai le toe iloiloina o le tulafono o Faasaoga 2004 ma le 2005.
Ua mae’a faailoa e le minisita o le matagaluega o Faasaoga, Kelvin Davis ua ia taliaina uma fautuaga mai lea lipoti.
