Manaomia e leoleo a Niu Sila ona silafia e tagata uma tulaga o faiga taufaasese I le vaiaso atoa lenei ua faapitoa mo le faalauiloaina o nisi o itu tau puipuiga mai ia faiga. O le aso ananafi na amata aloaia ai le faamanatuina o le Fraud Awareness Week ileatunuu ma o se avanoa mo faalapotopotoga ma tagata taitoatasi ina ia faatalanoa ai ma soalaupule aafiaga o faiga taufaasese ma itu e puipuia ai tagata.
Ua tele tupe ua lusi a le toatele o tagata I faiga taufaasese I tausaga taitasi mae ose mataupu e aafia uma ai tagata mai soo se talaaga.Taua e le taitai leoleo Iain Chapman I se pepa o faamatalaga mai le latou ofisa, e le faailogaina e faiga taufaasese poo ai lou tagata ae pe mai fea foi, e soo se tasi e mafai ona agai iai faiga a le au taufaasese.
Fai mai I niusila lava latou ia ei le va ole 20-30 miliona tupe e aafia I faiga taufaasese I tausaga taitasi ae ose tasi o itu ua matauina e leoleo, o le toatele o tagata e aafia e mama e faailoa le tulaga ua aafia ai. O polokalame faataatitia o le vaiaso lenei ua silasila ai le matagaluega I itu e mafai ona puipuia ai tagata ma ua galulue faatasi ai foi ma ana paaga e faalauiloa nisi o faiga taufaasese taatele ia nofo silafia iai tagata.Mo nisi faamatalaga e uiga I nei fuafuaga silasila ile scamwatch.govt.nz.
