O le faamanatuina o le Aso Faavaomalo mo Tina ma Tamaitai o se aso na amata faamamalu i le tausaga e 1975 e Malo Aufaatasi.

O le autu mo lenei tausaga, “E Au le Inailau a Tina.”

I le saunoaga autu a le Minisita o Tina ma Tamaitai, Atinae o Afioaga ma Aga Fesootai, o Mulipola Anarosa Ale Molioo, na ia ta’ua ai, o le vaaiga lautele, e 43.1 pasene o tagata faigaluega, ua faamauina o tamaitai.

E matele lava tamaitai i galuega faaofisa, o le vaega o aoaoga, o soifua maloloina ma galuega tau tupe.

O loo faamauina foi o le 2021, sai i le 43 pasene avanoa tau pulega o loo galulue ai tamaitai.

Faamasinoga 22 pasene o tamaitai i le 2019.

O matai tamaitai, e tusa o le 22 pasene o le aofai o matai lesitala, ae na o le 44 pasene e auai i saofaiga a nuu.

I le Palemene o Samoa i le taimi nei, e 6 faipule tamaitai e aofia ai ma le Palemia.

Saunoa Mulipola o se lu’i lea mo le atunuu, ia amanaia avanoa tutusa, aemaise o le unaia o avanoa mo tina ma tamaitai e pei ona saunoa Mulipola.