Lauano Vaosa Epa
Lauano Vaosa Epa

Faamanatu e Lauano i aufaigaluega uma a le Malo a latou tiute tauave

Ua ave se finagalo tusitusia o le tamaitai taitaifono o komisi o galuega a le Mālō o faauluuluga ma tagata faigaluega uma a le Mālō e tusa o se tusi na faasalalau i luga o fesootaiga televavave le Facebook.

O lea tusi na aliali mai ai i fafo lagona ua lagomia poo le fefefe o nisi tagata faigaluega sinia i le faaono motusia o latou galuega ona o le latou matau lea i le tulaga ua faamalolo lē tumau ai nisi o tagata faigaluega sinia toalua a le Mālō ae faamavae nisi.

O le finagalo o le taitaifono le afioga Ia Lauano Vaosa Epa o loo ia faamanatu ai i le aufaigaluega uma a le malo a latou tiute tauave o taufalemau foi i le taua o le ofoina o le latou tautua i le faigamalo ua tū i le foe aemaise o le auaunaga i le atunuu lautuele.

O le faamanatu foi lea a le taitaifono o le komisi o galuega a le Mālō ua toe faamamafa ai le tatau ona silasila tagata faigaluega uma a le Mālō i le latou taiala o loo faatonutonu folau ai le latou galuega tutoatasi ma ia lē pitotasi pe faaituau.

O le finagalo o Lauano ua o gatasi ma le taunuu o le tusi ua maea tapena e nisi o tagata faigaluega sinia a le Mālō i le afioga i le Palemia lea ua fofola ai o latou atugaluga. Na faailoa e Fiame Naomi Mataafa i le feiloaiga ma tusitala faatoa ia tauaaoina le tusi ina ua maea ona muamua faasalalau i luga o fesootaiga

“Ou te le’o manatua pe ma iai se tulaga faapea na tulai mai e pei o le mataupu lea pei e foliga mai e Ana tau mea nisi o loo faauluulu iai ae lea la ua o’u vaai atu ua aumai le tusi a’o lea o loo faapipii mai ai le saini a le toatele o nisi o le aufaigaluega”

Taua foi e Fiame “O mea uma ia o le a fai iai la’u suesuega poo fea tonu o loo taatia ai le autu o lea tusi”.

Ua faailoa foi e Fiame o le faamālōlō lē tumau ai o le Loia Sili ma le Failautusi o le Fono Aoao Faitulafono o lea ua taunuu atu ai i le Fofoga Fetalai le tali tusitusia a le Failautusi o le Fono e faapena foi le tali tusitusia a le Loia Sili ua ia tauaaoina.

O se faaiuga mo le Loia Sili e faia e ia o le Minisita ma le Palemia faapea lana Kapeneta ae o le Fofoga Fetalai e iai le faaiuga o le Failautusi o le Fono.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required