Dominic Perrottet

Faamāmā atili aiaiga ole Koviti 19 i Niu Sau Uelese

O le a iai ni suiga tetele i aiaiga o le koviti 19 i totonu o Niu Sau Uelese i Ausetalia pe a oo atu I le aso a taeao. O ia suiga e pei ona faamanino mai e le premier Dominic Perrottet ile masina o Novema e aofia ai talifofoga, o le faia o check ins ma le aofai o tagata e mafai ona auai i ni meafai ma faapotopotoga.

O le fuafuaga la o le a nao nofoaga o femalagaaaiga lautele public transport e manaomia ai le faia pea o talifofoga faapea foi i vaalele ma malae vaalele.O le a taofia foi ma le toe faatinoina o check ins I le tele o pisinisi ma nofoaga o faleaiga ma taligamalo.

O le faamama mai o nei aiaiga o le a avanoa ai tagata e agai e faaaoga le avanoa o le tau mafanafana e feiloai ai ma aiga ma faia a latou fuafuaga ma faataitai ai ona soifua faatasi ma le koviti 19 e pei ona saunoa iai le premier.

O lona uiga la amata atu ile aso a taeao faaopoopo atu i nisi aiaiga pei ona taua muamua, ole a leai foi se numera faatapulaaina mo tagata e asiasi I fale o aiga aemaise foi o faapotopotoga o tagata I fafo mai o le fale.

O le a leai foi se faatapulaa i le aofai o tagata I fale toleni, vaitaele ma taaloga a komiuniti.Faataga foi le sisiva ma pepesi I nofoaga faitele ma totonu foi. Le toe manaomia ona faanofoesea tagata malaga faavaomalo ae e tatau ona faia se siaki ma ia maea ona faia uma tui puipui e lua . O tagata e lei faia ni tui puipui e manaomia pea ona faanofoesea mo le 14 aso.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required