Mai Niu Sau Uelese I Ausetalia ua lipotia le faaitiitia mai o le numera o tagata aafia I le koviti 19 I le aso fua atu I ni nai aso ua tuanai sa silia lava ma le tai afe na faamauina. O le aso e 935 cases ua lipotia I le setete ma le toafa ua maliliu.
Tumau pea le finagalo o le Premier, o Oketopa le masina e oo ai I tulaga ogaoga le aofai o cases aemaise foi soifua e aafia ma e oo mai I le taimi nei e 1207 gasegase o le koviti o loo iai I maota gasegase mo togafitiga , 236 I le vaega tigaina ma le toa 123 o loo faaaoga masini manava.
E 82.2 pasene o tagata e tatau ona faia tui puipui lea ua maea ona fai tui muamua ma le 52.7 pasene ua maea ona fai uma tui e lua o le faamai.Fai mai le soifua maloloina o loo iai pea le setete ise tulaga maaleale.
O le aso ua atili faamama ai aiaiga o le vavao I totonu o le setete e oo lava foi I pulega faaitumalo e 12 sa iai popolega lea ua mafai nei ona faataga tagata ua faia uma tui e lua ina ia faia faamalositino e le faatapulaaina I fafo mai o o latou fale ma mafai ona potopoto I kulupu taitoalima I totonu lava o le 5 kilomita mai o latou fale.
