Samoa Weightlifting Federation FB
Photo: Samoa Weightlifting Federation FB

Faamaamulu le au siisii uamea mamafa mai taaloga o le Olimipeka

O le au taaalo a Samoa i le taaloga o le siisii uamea mamafa lea o le a le auai atu i taaloga o le Olimipeka i totonu o Tokyo Iapani i le masina fou. O lenei faaiuga na tuu mai e le Faalapototoga a le au siisii uamea mamafa a Samoa ae le gata i lea o le Asosi o Taaloga a Samoa i le Olimipeka (SASNOC).

O lenei faaiuga na faalauaitele mai e le SWF ma le SASNOC ina ua faailoa e le Malo Tausi tauala atu i ripoti le faamaamulu ai o le au a Samoa ona o tulaga lava o le pipisi o le Koviti19 i le lalolagi.

I se ripoti a le Leitio faavaomalo a Niu Sila na taua ai le faamaoniaga o le ā lē malaga ai o nisi o le au taaalo a Samoa e le Minisita o fesootaiga ma faamaumauga a le malo tausi Afamasaga Lepuiai Rico Tupai ona o lipoti mai le faatuputupulaia pea o le Koviti i totonu o Iapani.

I le po anapo na tuumai ai loa se pepa o faamatalaga mai le Peresetene o le SASNOC Patrick Fepuleai ma faamanino mai ai e na’o le au siisii uamea mamafa lea o le auai i taaloga Olimipeka.

Na ia taua “O Samoa e 11 sui taaalo lea na faamanuiaina i avanoa e taaalo ai i le Olimipeka, mai lenei vaega e to’a 3 o loo i Samoa (au siisii uamea mamafa), toalua o loo i Ausetalia (Au fusu), to’a fa o loo i Niu Sila (au alovaa), toatasi o loo i Amerika (athletics), ma le toatasi o loo i Iapani (Judo”.

Peitai lea la ua faamaonia mai le lē auai o le au siisii uamea mamafa i nei taaloga tetele.

Taua e Fepuleai o le a fai isi sui o Samoa o loo i atunuu i fafo i taaloga i Tokyo ma o loo galulue malosi ma le komiti o taaloga a Iapani ina ia mautinoa e faatino lelei tulaga o siaki mo le soifua maloloina aua le saogalemu o le au taaalo a le atunuu.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required