Faaletonu le tau, motusia le eletise ma faaleagaina meatotino i Aukilani

E le taumate o loo toatele nisi o aiga ua motusia mai le eletise mai maota ma laoa I le aso ona o uiga louloua o le tau ma le malolosi o savili ma timuga.

O laau pauu ua faaleagaina ai fale ma motusia ai laina eletise I le tele o fale I Aukilani e pei ona lipotia mai e le Newstalk I le aso ma isi ofisa faasalalau.

Ua fautuaina le au fai taavale ina ia silafia o le a matele ina poloka le alatele ma o le a faatulafonoina foi le saosaoa I luga o alatetele ona o le faaletonu o le tau.

O le ala laupapa le Harbour Bridge e oo atu I le 110 km I le itula le malolosi o matagi to faatautau ma le tusa ma le 30 o containers la’u oloa ua faaleagaina I Aukilani I saute ona o le malolosi o matagi.

Ua fautuaina le atunuu ia alofia le faaitu o Albany ona o uaea malolosi o le eletise ua pauu ai ma o magaala e aofia ai Clemos Lane ma Jack Hilton Drive o loo aafia ai.

Ua fautuaina foi le atunuu ia lava papale I le faatuai atu o le aufaigaluega mai le Vector ona o tulaga faaletonu ole tau ua faigata ai femalagaaiga I ala tetele ma ua faaalia e I latou o loo galulue I auaunaga nei ia lava le onosai a le atunuu aemaise lava I le motusia o le eletise ona e le faigofie galuega o loo faatino mo le toe faaleleia o ia vaega.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required