O se tasi o igoa poo se brand foi ua lausilafia e le toatele mai le tele o tausaga, le Godfreys ua faailoa mai i lipoti i le asō ua faaletonu lona tulaga tau pisinisi ma o le a faamuta lana auaunaga.
O se tasi lenei o faleoloa tele i Ausetalia peitai ua faailoa mai o le a tapunia ona lala e 54 i totonu o le isi 14 aso ae ua savalivali atu i le 100 tausaga o lana tautua.
O le tausaga lenei e 92 ai tausaga talu ona faatuina le Godfreys ma ua faailoa e silia ma le 190 avanoa faigaluega o le a aveesea.
Fai mai le sui o le kamupani o luitau lava tau le tamaoaiga aemaise aafiaga o le pandemic o nisi ia o mafuaaga o le faaletonu ma faia ai le faaiuga o le a faamuta le auaunaga ma o le a faatau ese ai le pisinisi ma ana aseta.
Fai mai e faapea foi i le lala o le Godfreys i Niu Sila ma e faailoa e le pulega o tagata faigaluega lava sa ogatotonu i le faaiuga ua faia ina ua uma foi nisi taumafaiga e faasaoina ai le pisinisi.
