Ua molimau nisi e aumau i le faaitu o Pt Chevalier i Aukilani ua faaleagaina o latou fale e mafua mai i galuega o auala o loo faatino i nofoaga lalata ane.
Ta’ua i le lipoti i le RNZ o nisi o auala o loo eli mo ni galuega faaleleia tetele e aofia ai ma galuega faaleleia mo le suavai aemaise auala mo savaliga ma tietiega uila.
E ui e lagolago e nisi o i latou ia suiga, ae ua lipotia e fai si faigata o le vaai iai i tulaga e pei ona tulai mai.
Molimau se tasi tina i le lipoti lea o lona fale e i le faaitu lea ma o lona talitonuga ua faaleagaina lona fale ona o aafiaga mai galuega ia ma le eliina o le auala ae lei leva ona toe lipea lona fale ae ua vaaia ta’eta’ei i puipui ma e faaalo ma isi vaega o le fale.
O se isi tina ua molimau na me’i mai Kalaiesetete ae ua toe fafagu mai mafatiaga o mafuie i lea faaitu i le tulaga o iai lona fale i Aukilani ma aafiaga o le eliina o le auala.
Ua faailoa i le lipoti se tali mai le pule o le vaega o poloketi a le Auckland Transport ua ta’ua ai o loo ia iloa faaseā e pei ona faaleoina ma o le a suesueina uma ia tulaga.
Fai mai o galuega o loo faagasolo faatoa faamae’a i le tausaga fou mo Pt Chev ma Westmere.
Puna o Faamatalaga: https://www.rnz.co.nz/news/national/513501/point-chevalier-roadworks-shaking-nearby-homes-upsetting-residents
