Search
Search

Faaleo atugaluga i le tatala i tua o le tagata o loo molia i fualaau faasāina ae o loo nofo taofia

Ua ave se tuualalo malosi mai le pulega o le matagaluega o faamasinoga ma le faafoeina o mataupu tau faamasinoga, i le pulega o le matagaluega o leoleo, falepuipui ma le fuataina, ua logo iai e tatau ona tausisia poloaiga ma faaiuga a le faamasinoga.

O atugaluga o le matagaluega o faamasinoga e mafua i se gaioiga a leoleo ua tatala ai i tua se tagata ua mae’a ona faia iai se faaiuga a le faamasinoga ina ia nofo taofia i le vaaiga a leoleo.

O lea tagata o loo molia i solitulafono tau fualaau ma laau faasāina poo nakoti.

Ua faailoa e se molimau faatuatuaina ua ave se finagalo tusitusia o le Ofisa Sili o le matagaluega o faamasinoga ma le faafoeina o mataupu tau faamasinoga i le Komesina o leoleo, ua fautuaina ai le silasila i lea gaioiga ua faia, ma e tatau ona latou galulue faatasi.

E lei maua se finagalo o le Komesina o leoleo i atugaluga ua faailoa atu iai e le Ofisa Sili o le matagaluega o faamasinoga, ae ua ta’ua e se molimau e lē o se taimi muamua lea ua tulai mai ai lea tulaga i le faatinoga o galuega a leoleo.

Ua faailoa foi e lea molimau o le tuualalo malosi mai le Ofisa Sili o loo finauina ai le faia o se suesuega a leoleo poo ai na faia le faaiuga e tatala i tua le tagata o loo molia i fualaau faasāina, ae o loo iai le poloaiga a le faamasinoga e nofo taofia i le vaaiga a leoleo.

Tala sili ona faitaulia

Tala mai samoa

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required