Ua lipotia mai nei le mou malie ese atu o le afā o Vaianu ma Niu Sila, ae ua lagonaina e le tele o faaitu o le atunuu tulaga pagātia o lenei matagi tele.
Molimauina le motusia o le eletise, o le ogaoga o vaega ua faaleagaina mai lologa ma timuga mamafa e itu sasa’e poo le east coast o le Niu Sila i le amataga o lenei vaiaso.
I ripoti mai le Nz Herald, na faamanino mai ai tulaga o le faalēaogaina ai o fautuaga ma lapata’iga o timuga mamafa, ae na faamauina lava le faatino ai o tulaga mata’itū i nisi o vaega mo matagi malolosi.
Faamauina le faaitiitia o tulaga mata’utia ma le mamafa i le tele o itu, i nisi o nofoaga i Bay of Plenty, ao itu sasa’e o nofoaga tumatafaga, East Coast o loo māua pea le aafia pea i lologa, o laau pā’u’ū i luga o auala tele, ua tapunia ai le tele o auala.
I Coromandel ua vaaia le maui atu o le vai, ua toe tatala ai auala o State Highway 25 ua toe saogalemū mo feoa’iga.
I le oo mai ai o fautuga i le maua o se masele, ma le saogalemū ai o ia faaitu, o lea ua vaaia le maua ai o se taimi e mālōlō ai sui o auaunaga o faalavelave tutupu faafuasei i nisi o nofoaga, e aofia ai Aukilani faapea Thames-Coromandel.
O loo fa’aauau pea galuega mata’itū ma galuega taulogologo a auaunaga i tagata ina ia ‘alofia le soona feoai, ma ia ‘aua nei agai i itu o loo lolovaia, ma le agai i vaitafe.
Puna o Faamatalaga: https://www.nzherald.co.nz/nz/cyclone-vaianu-live-updates-states-of-emergency-continue-as-cyclone-moves-away-from-new-zealand/6O2KIZK7CRCWPGCIDP2PA3SZ6I/?lid=4jcro9y7vwub
