E iai faigamalaga ua faaleaogaina ma faatuai e mafua mai i le faaletonu o le tau i Sini.
O le asō ua faalogoina le malosi o le malulu i le tele o vaega o le atunuu ma ua faailoa mai e na o le tasi le runway sa faaaogaina i le malaevaalele i Sini ona o le malolosi o matagi.
O faigamalaga i totonu lava o le atunuu lea ua matele ina faia iai fetuunaiga e pei ona faailoa mai e le pulega a le malae aalele
Ua faailoa mai e le vaaitau lapataiga mo uiga loulouā o le tau e mafua mai i se vaega vaivai o uiga o le tau o loo faamauina e lalata i le South Coast ma o matagi malolosi ma to faata’uta’u o le a aafia ai Sini ma le Illawara ma fautuaina foi le siitia o le sami ma galu e silia ma le tai 6 mita le maualuluga.
O loo faamauina foi i Vitoria o se amataga aupito i malulu lenei ua faamauina i totonu o le tolu tausaga ua tuanai.
E tele vaega o le atunuu ua toulu ai le aisa i le asō ina ua amata le taumalulu i le atunuu.
