O le a lē faataunuuina se fonotaga sa fuafua e faia i le po ananei, i se nofoaga a le Council mo le anti co-governance group ma o le mafuaaga ona o popolega mo le saogalemu o i latou sa fuafua e auai.
Fai mai le stuff.co.nz o le fonotaga lea sa tuufaatasia e le faievagelia o Julian Batchelor lea e malaga taamilo mai i NIu SIla e faia ana saunoaga i le mataupu lea e tetee iai o le co-governance poo le faasoaina o matafaioi tau puleaga poo le pulea faatasi foi e ni vaega se lua.
Ta’ua i le lipoti ua agai ane le isi kulupu o le Aotearoa Liberation League ma faatonu le Mount Eden War memorial e faia ai le latou fonotaga e tetee ai i le mataupu o loo agai iai tautalaga a le faievagelia ma faia ai loa ma le faaiuga a le Council e faaleaogaina uma feiloaiga ia e lua mo le puipuia o le saogalemu.
Fai mai le lipoti i lauga a le faievagelia lea o Batchelor sa ia ta’ua ai o le mataupu lea i le co-governance o se vaega o se taua i le va o sui o ituaiga poo tribes a Maoli ma le isi vaega atoa o Niu Sila.
