Na faalēaogā le tele o warrant of fitness o taavale e le Waka Kotahi i le mae’a ai o suesuega na faia ma iloa ai e lei aloaia le inisinia na faia.
E silia ma le 600 warrants of fitness i totonu o le 10 masina talu ai na pasia e le Newmarket Auto Repairs, o se tasi o lala a le Motor Trade Association poo le MTA ua faalēaogāina uma nei e le pulega.
O lea foi ua mae’a tusi i tagata e ana taavale nei ua toe maua mulimuli ane e lei sa’o ona pasi, e moomia le toe o e siaki ma pasi.
Ua faamaonia mai ai foi e le MTA e tusa ma tala a le Newshub o lea ua taofia lē tumau auaunaga a le Newmarket Auto Repairs a o faasolo suesuega, ma ua fai mai ai le pulega ua lē fiafia i le lē faamaoni o lana lala ma o le popolega tele o le saogalemu o tagata i luga o le auala.
Ae mo avetaavale ua aafia, o lea ua toe ofo vouchers ta’i $50 e fesoasoani mo le toe siakiina ma faia warrant of fitness, ma mai le MTA o vouchers nei o loo ofoina mai pe a faapea ua lē mafai lava ona toe maua se refund.
