O se falemai fou e faataga ai le togafitia o tagata a o iai pea i o latou aiga ma e tau lē o ifo i le falemai, ua faailoa mai la o lea ituaiga falemai, o le uluai ituaiga lea i Ausetalia ma o loo i Adelaide.

Fai mai e tai pei o se Call Centre ae e fai lava tiute o teine fomai e faasolo ai i le siakiina o gasegase e ala i le faaaogaina o masini computer ma faiga faaonaponei.

Fai mai o ata o gasegase ma manu’aga e aafia ai le tagata e mafai ona lafo ane i fomai ma o le falemai o loo galulue faatasi ai ma le Calvary ma le Medibank mo le kilivaina o le My Home Hospital mo le soifua maloloina i Ausetalia i Saute.

Fai mai le fomai o loo faauluuu iai le auaunaga, Dr Emily Kiripatrick e mafai lava ona faia gaioiga uma e pei ona masani ai i falemai masani a o iai pea le gasegase i lona moega i le fale ma e kiliva foi le auaunaga e manaomia i o latou fale.

O le taimi nei fai mai pe ā ma le 100 gasegase o loo togafitia e lea falemai.