Faalauiloa le Pasifika Diaspora Fund mo Pisinisi Pasefika

Ile maea ai o le 2 tausaga na malaga ai I Samoa o se vaega o le polokalame ole Pacific Trade and Invest Australia, poo lePTI, ua faalauiloa mai ai nei e Bernard Tuaimau ise faiga ua galulue faatasi ai ma le Pacific Business, Sports and Entrepreneurs  PBSE , le Pasifika Diaspora Fund lea ua fuafua e amata faagaioia I le amataga ole 2021.

Ise pepa o faamatalaga mai le faalapotopotoga ua faailoa ai o lea faaputugatupe o le a taulai ai I tulaga tau inivesi male atinaeina o pisinisi. O lea alii fai pisinisi e faamautu I Sini Ausetalia ua iai le naunautaiga ia faamalosiauina leisi augatupulaga o tagata faipisinisi o le pasefika.

Ole Seki Eats se tasi o auaunaga o loo aofia ai I nei polokalame ma ua faailoa I le pepa o faamatalaga se finagalo o le sui o le PBSE, Guy Rasmussen e faapea, ile avea ai ma komiuniti, ua tausia ile tuputupuae ia tomanatu I nisi o mea e mafai ona faatino e fesoasoani ai I tagata pasefika ma o le talitonuga lea o loo fausia ai le Pasifika Diaaspora Fund, ma o loo faavae I tu ma aga pasefika e aofia ai aiga, komiuniti, le faaaloalo ma le faia ose suiga. O isi ana paaga e aofia ai le , Pacific Rise, le Samoa Chamber of Commerce ma le  Samoa Business Hub ma o iai le faamoemoe e faalautele atu le auaunaga I Fiti,Tonga, ma Papua niukini. Ole faaputugatupe o le a fesoasoani ile faaleleia ma le atinaeina o pisinisi pasefika ma o le a faatautaia ese Pulega o Faatonu, le komiti o Inivesi ma le Komiti faufautua

Keep uptodate with Radio Samoa activity & promotion

* indicates required