O se lipoti ua faalauiloa i le vaiaso nei e faatatau i fale o loo aumau ai tagata Pasefika i Aotearoa ua iloa ai toeititi 40 pasene o aiga Pasefika e aumau i fale e lē tetele ina ia talafeagai ai ma o latou aiga.
O faamaumauga mai le Stats NZ ua faailoa ai e maualuga atu le tulaga o le faamuamua o le soifua manuia o aiga nai lo le faitau aofai lautele o tagata e mafua mai ona o tulaga tuufaasolo mai tausaga ua tuanai.
Fai mai se tasi tamā o loo ta’ua i le lipoti o le aumau faatasi o le aiga o le aotelega lea mo tagata Pasefika, o mea uma lava o le aiga e tāua.
O se faamatalaga mai le Stats NZ ua ta’ua ai e ui e iai penefiti o le aumau faatasi o se aiga toatele, ae iai fale ua matua laiti lava mo se aofaiga toatele o tagata o loo aumau ai ma e ono aafia ai foi le soifua maloloina.
Ua ta’ua foi i le lipoti o le ‘afa o i latou o loo aumau i tulaga tumutumu nei, o loo aumau i fale e susū ma malulu foi ma manaomia ona faia iai ni lipea.
E na o le 35 pasene o tagata Pasefika i Aotearoa o loo aumau i fale faatau pe a faatusa i le 64 pasene o le faitau aofai o tagata Pasefika i le atunuu.
