O loo i Aukilani i Saute le Palemia i le asō mo le faalauiloaina o le Mobile Breast Screening Unit i Manukau SuperClinic.
O le masina o Fepuari na faalauiloa ai ma folasia e le minisita o le soifua maloloina, Dr Shane Reti ma le minisita o tamaitai, Louise Upston le faalauteteina o le auaunaga o le siaki mo le kanesa o le susu.
O lona uiga o le a toatele tamaitai e ono oo atu i le 120 afe e agavaa e faia ia siaki i le tai 2 tausaga.
O lea foi la fuafuaga a le malo e pei ona faailoa a oo loa ina faatanuuina atoa le polokalame o le a agavaa tamaitai e faia mammograms, o siaki mo tamaitai.
O le isi lava lea vaega o le fuafuaga e 100 aso muamua a le faigamalo ma ua faailoa foi o le a toe faaopoopo ai ma le taimi e mafai ai ona faia fua siaki, free breast screening mo i latou o tamaitai e oo atu i le tai 74 tausaga o le soifua.
