E tatau ona faaitiitia le fuainumera o le aufaigaluega a le Council ae aumai tupe e totogi ai paipa liki a Ueligitone.
O le finagalo lea o se tasi o councillor tutoatasi a Ueligitone, Nicola Young ma i lana saunoaga o le aufaigaluega a le Council le tupe alu tele o loo iai nei.
Ta’ua e Young lona manaoga ia mulimulitai i le faiga ua faia nei e le malo.
Ae mai le pulenuu ia Tory Whanau, o loo tatala pea lona finagalo i finagalo faaalia ua aumai i luma aemaise o nisi o poloketi a le Council o loo taofia lē tumau nei ona o le moomia vave ona faaleleia o paipa liki a le aai.
E iai nisi o councillors o loo mananao e fesoasoani atu le malo, ae o isi o le tuu o isi poloketi.
O le aso a taeao e toe feiloai ai le Council a Ueligitone e faaauau talanoaga i auala e maua mai ai nisi tupe faaopoopo auā le faatupeina o ogapaipa liki o loo moomia vave le faaleleia.
