E iai le faatulagana fou lea ua feta’ua’ina mai mo le Super Rugby Pacific.
Faailoa i tusitusiga i le RNZ i le mae’a o le tele o faitioga sa faia faasaga i le system sa faaaogā talu ai i le top 8 poo ‘au e 8 pito i luga, ua faailoa ai o playoffs o le a tausinio ai ‘au e 6 pito i luga.
E lē gata i lea o le faia o taaloga i aoauli o Aso Sa ma le faia o le season e pei ona masani ai o le a toe faaauau i le 2025.
O le Rebels e lē toe foi mai i le taamilosaga lona uiga ua na o le 11 ‘au, e ta’i 14 taaloga a le ‘au i le taamilosaga atoa, 7 taaloga i o latou malae ma le fitu e malaga ese ai.
Faailoa e le Ofisa Sili o le Super Rugby Pacific, Jack Mesley, o fans lava poo i latou e fiafia i le lakapi, sa ogatotonu i le latou faai’uga ua faia ma sa silasila foi i le faafoeina o nisi o taamilosaga i le lalolagi.
Ta’ua e le Ofisa Sili ina ua fesiligia pe toe ono aofia ai nisi ‘au mai fafo pei o Aferika i le taamilosaga, ae fai mai a ia o loo iai lava le avanoa i tulaga faapea ma o loo iloilo foi eligibility rules e faamāmā aiaiga e faataga ai le feoa’i o tama taaalo o le All Blacks ma le Wallabies mo lea taamilosaga.
Puna o Faamatalaga: https://www.rnz.co.nz/news/sport/527885/super-rugby-pacific-changes-what-you-need-to-know
