Ua faamautu le filifilia o sui o le komiti faatonu o le pulega o faailoga ma tusipasi le Samoa Qualification Authority ina ua mae’a le filifiliga e ala iai latou sa talosaga e fia avea ma sui o le komiti faatonu.
1. Dr. Maria Talaitupu Kerslake (Taitaifono),
2. Jane Bentin – Fiti (Faatonu),
3. Leatuavao Lefe’au Ioane Malaki (Faatonu)
4. Fuimaono Pemerika Aleki (Faatonu)
5. Tu’u Fu’a Lafaiali’i Hazelman (Faatonu)
Sa faatino e le pulega o faailoga ma tusipasi i le Ofisa Sili ma lana aufaigaluega se sauniga e faafeiloai ai sui fou o le komiti faatonu, lea sa faafetaia ai e le taitaifono i latou sa galulue i le komiti faatonu i tausaga ua tuanai aemaise o le faafetaia ai o le aufaigaluega i le latou pitolaau tauave mo le manuia o le atunuu.
E tai tolu tausaga le umi o taimi galue mo taitaifono ma sui o komiti faatonu.
