Ua lipotia i le vaiaso nei e le leitio faavaomalo a Niu Sila popolega o le Asosi o le aufaifaatoaga a Samoa, le Samoa Farmers Association i le faaitiitia i le tulaga o faatoaga i le atunuu e pei ona atagia foi i le lipoti fou mai le malo.
O le Agriculture and Fisheries sector plan ua lipotia na maua e le Samoa Observer ua ta’ua ai o le industry poo lea foi vaega sa maua ai le tusa ma le kuata o le GDB a Samoa, oloa mai i le atunuu i le 1994/1995 ma e 10 pasene ua faaititia ai i le 2020/2021.
Ua faailoa i le lipoti se finagalo mai le taitaifono o le asosi lea a le aufaifaatoaga, Afamasaga Toleafoa ua ia ta’ua ai ua leva ona faaitiitia le tulaga lea tau i faatoaga ae o le pou malosi lea o le tamaoaiga o Samoa sa iai.
Fai mai a ia sa maualuga le tulaga i taumafa ma o oloa foi e auina mai i fafo pe ā ma le 80 pasene e sau mai fua o faaeleeleaga ae ua suia lea i le taimi nei.
O loo ta’ua i le lipoti le faaititiga lea ae o loo toatele pea le aofai o tagata faigaluega leipa i le atunuu o loo faafaigaluegaina ai ma o oloa autu a Samoa e auina mai i atunuu i fafo e aofia ai le i’a felesi, talo, pia ma oloa tau popo ma le nonu juice.
