Ua tutūfaatasi ofisa o leoleo i le atunuu ma o latou faailoa ane i tagata lautele aemaise i latou o le a auai i solo tetee i le faai’uga o le vaiaso, tulaga e faatatau i amioga faasolitulafono.
O loo iai le fuafuaga mo solo tetee ua tuufaatasia e i latou e lagolago ia Palesitina e faia i Sini ma isi vaega o Ausetalia ma ua faailoa ai e le Australian Federal Police aemaise o leoleo a setete ma teritori ua o latou tutūfaatasi e faailoa i le autetee e matuā leai se avanoa e tuuina i ni uiga e soli ai le tulafono pe o ni uiga sauā foi, violence.
Ua o latou faamanatu foi i le autetee o se solitulafono ogaoga le fautuaina, faalauiloaina, unaia ma le viia o ni faiga faatupu faalavelave.
O le faai’uga o le vaiaso e atoa iai le tausaga talu le osofa’iga a le Hamas ia Isaraelu lea na maliliu ai le silia ma le 1,200 o tagata Isaraelu ma afua mai ai loa le taua o loo faaauau pea.
Puna o Faamatalaga: https://www.9news.com.au/national/pro-palestine-protests-around-australia-police-statement-released/4a6fcd84-a04d-4b73-8b9b-1248d567619c
