Ua faailoa e le Faalapotopotoga o tausima’i pasi i Niu Sila le Primary Health Care i se pepa o faamatalaga e faapea o le a faia sa latou rally e faailoa ai le tulaga lē talafeagai o totogi o loo totogi ai i latou aemaise lava pe a faatusa i tausima’i pasi e faigaluega i le Te Whatu Ora Healt NZ.
Fai mai a latou o se tausima’i i se nofoaga faafoma’i faalauaitele poo le general medical centre e masani ona mauaina le 10 pasene aga’i i le 20 pasene le eseesega ma le totogi o le tausima’i e faigaluega i auaunaga a le Te Whatu Ora ae e i le va o le 10 pasene ma le 25 pasene le eseesega o totogi o tausima’i Maoli ma le aufaigaluega i le Te Whatu Ora. O lona uiga e telē atu le totogi o le tagata tausima’i i le Te Whatu Ora nai lo le isi to’alua lea.
O le ‘afa o le 12 i le aoauli o le asō na vaaia ai i vaega eseese o le atunuu mai le ‘afa o le 12 i le aoauli nei e oo i le ‘afa o le tasi sa faia ai ia faatasiga i le atunuu atoa.
