Ua faia le filifiliga a selectors o le All Blacks mo lana ‘au o le a faafetauia Aferika i Saute i Aukilani i le faaiuga o le vaiaso.
O lea filifiliga ua aofia ai ma le toalima o tama taaalo fou o le a muai taaalo mo le uluai taimi i le tausaga nei 2023 mo le All Blacks.
Fai mai le faiaoga o le ‘au, Ian Foster o soo se taaloga lava ma Aferika i Saute o se taaloga faapitoa ma e telē le faaaloalogia i le tulaga lea i le va o atunuu e lua ma e atagia lava i le finauga i luga o le malae.
O le ‘au la ua filifilia e aofia ai Beauden Barrett, Will Jordan, Rieko Ioane, Jordie Barrett, Mark Telea, Richie Mounga, Aaron Smith, Ardie Savea, Sam Cane o le kapeteni, Shannon Frizell, Scott Barrett, Brodie Retallick, Tyrel Lomaxm Codie Taylor ma Ethan de Groot.
O Faaleoleo e aofia ai Samisoni Taukeiaho, Tamaiti Williams, Nepo Laulala, Tupou Vaa’i, Dalton Papalii, Finlay Christie, Braydon Ennor ma Caleb Clarke.
O le Aso Toonai nei le taaloga i le malae i Mt Smart lea ua lipotia ua taulia uma foi pepa matamata.
