Ua faailoa e leoleo i NSW i le asō o le underworld government lea o loo feta’ua’ina lo latou faagaioia o le faatauina o le cocaine i Sini i lalo o le igoa The Commission, e galulue i ni tulaga ua faatulaga lelei ma faigata ma e ave le faamuamua i le faatumauina o le lēiloa e nisi a o latou sapalaia dealers o loo i le aai i Sini, o le faamatalaga lea mai le ausu’esu’e.
O le faamatalaga a leoleo o le sootaga poo le network lea ua o latou sapalaia le tusa ma le silia i le $1.8 piliona o le tau o le cocaine i le aai i Sini i le masina lava ia o Aperila o le tausaga nei.
Ua o latou pu’eina se alii e 21 tausaga mai Guildford, na maua iai se kilo o le cocaine ma le isi 12 kilo i se taavale i se nofoaga lata ane.
O le tau o ia fualaau faasāina pe a faatauina e oo i le silia ma le 20 miliona.
O le asō e toe tula’i ai i le faamasinoga ae o loo faaauau pea le su’esu’ega i isi.
Puna o Faamatalaga: https://www.google.com/amp/s/amp.9news.com.au/article/064248a8-7a18-4c73-b8fc-c80a6bd6005a
