Ua faailoa e leoleo o le teineitiiti 4 tausaga lea na uma lona ola i Northland i le toeitiiti 9 tausaga talu ai, sa gau lona lima ma iai manu’aga i lona ulu.
O le mataupu lea na lipotia atu muamua ua toe tatala iai suesuega a leoleo ae o le faalavelave na tupu ia Oketopa 2015, o le teineititi o Alestra KepaHati.
Ua faailoa foi e leoleo o manu’aga i le teineititi na tupu i le lua vaiaso i luma mai a o lei uma lona ola a o aumau ai ma ana caregivers i Kaikohe.
E manatu leoleo o ituaiga manu’a ia e lē te’ite’i tupu ane ma e foliga o loo iai tagata o loo iloa ma sa vaai i se mea na tupu ma o le ala lea e manaomia ai le fesoasoani a le komiuniti.
Ua faailoa e leoleo laina e fesootai atu ai nisi e silafia ni faamatalaga pe agai sa’o atu foi i se ofisa o leoleo o lata ane.
Puna o Faamatalaga: https://www.rnz.co.nz/news/national/521656/injuries-of-4-year-old-alestra-kepa-hati-in-weeks-before-her-death-revealed
