E le na o Samoa le atunuu o tupu ai faiga faaalatua, aua o se faafitauli o loo tutupu ma aliali mai foi i isi atunuu.

E le gata o loo aafia ai pulega malo, ae faapea foi le lotoifale o faalapotopotoga eseese e oo lava i faiganuu ma pulega o ekalesia.

O le Aso Faraile na tea nei na auai Samoa e lagolago taumafaiga uma e taofia ai ia faiga ma o le Komisi e pulea galuega a le Malo sa taulamua i le tuufaatasia o se polokalame e faalauiloa ai le tāua o le tetee atu i faiga faaalatua ma gaioiga piopio e lepeti ai pulega lelei ma sosofa ai le taunuu o ni pulega i le faia o le amiotonu.

O le afioga i le Sui Palemia o le saunoaga aami lea o le faamoemoe ma sa ia ave ai le faamamafa i le tāua o le taofia o ia faiga i totonu o galuega a le Malo.

O se polokalame sa valaaulia ai ofisa sinia ma faauluuluga o matagaluega a le Malo, peitai e le toatele nisi o i latou na auai o se atugaluga lea o le Sui Palemia na faailoa i lea faatasiga.

Na maua le avanoa e tapa ai se finagalo o le afioga Tuala Tevaga Iosefo Ponifasio e faalautele ai le tāua o le tetee atu i faiga faaalatua poo le anti corruption.

Le afioga i le Sui Palemia afioga Tuala Tevaga Iosefo Ponifasio.