O loo iai le fuafuaga a le pulenuu o Aukilani Wayne Brown ua taua i se lipoti i le vaiaso nei ua silasila ai i le faatauina o se vaega e umia e le Pulega a aukilani i le malaevaalele i Aukilani lea fai mai a ia e ono maua mai ai se vaegatupe e toeititi 2 piliona.
Ua faailoa i le lipoti o le faamatuu o mea o loo umia i le malaevaalele e ono fesoasoani ai i le mataupu o loo manaomia ai se vaegatupe pe a ma le 295 miliona mo le tala faatatau o le tupe a le Pulega peitai e ono faigata foi le faatinoina o lea manaoga.
O le aso ananafi na fofogaina ai le siitia i le 9.5 sene o sea a le malaevaalele ma pei ona faailoa i le lipoti i le aso o le 18 pasene o loo umia e le Pulega o Aukilani e ono iai nei i le tusa ma le 2.166 piliona.
Fai mai o mea o loo umia e le council i le malaevaalele o ana aseta aupito i tele lea.
