O le aso lea o loo faagasolo ai i nofoaga lautele le auaunaga a le kamupani telefoni o le Digicel e ala lea i so latou sao mo le faamanatuina o le aso faavaomalo ua ta’ua o le International Change-makers Day.
E pei ona faailoa ai e le Pule Sili a le kamupani, Susuga Anthony Seuseu i se faasalalauga ina ia utagia ai e le atunuu le toatele o tagata faigaluega a le kamupani o le a lē galulue i totonu o ofisa ae agai atu i tua.
“O lenei aso faamanatu e tele sona tāua mo tatou ona o se aso tatou te omai faatasi ai e fesoasoani i mea e ao ona tatou ave ai le fesoasoani.
“Ma o le a faatino ai e le tatou aufaigaluega nisi o matafaioi o loo moomia e o tatou tagata.”
O lenei faamoemoe o se auaunaga e toe tali atu ai i o tatou tagata aemaise i latou o loo faipaaga ma le tatou kamupani e ala i ana auaunaga masani tau fesootaiga.
“Matou te talitonu i le galulue faatasi.”
