O le faafetai a le sui faavae o le PacifiCast le susuga Julius Tuigamala i le Malo o Samoa e ala atu i le pulega o tagata tafafao mai fafo, ma pisinisi i le atunuu i le lagolago malosi i le faia i Samoa o le koneseti pese o le Samoa Motherland Concert, ua faailoa ai e silia i le 10 afe tagata na maimoaina le koneseti, e ui ina sa iai uiga faaletonu o le tau i uaga na toulu i le po.
Ua folafola ai e le sui faavae o le PacifiCast ua faailoa atu e le pulega o malae taalo a Samoa le toe faaavanoa o le malae o le Apia Park mo nisi a latou koneseti i le lumanai.
Ua faailoa foi e Julius Tuigamala i se pepa o faamatalaga o le tulaga manuia o le latou uluai taumafaiga i Samoa, ua silasila ai e ave a latou faafiafiaga i isi atunu o le Pasefika e pei o Tonga ma Fiti aua o se avanoa tāua e faalauiloa ai taleni pese ma tomai o fatuga tau musika a fanau a le Pasefika.
