Sa iai le manatu o se tasi tagata faigaluega, tradie mai Melepone o ia ua mu i le afi sei vaeane le faafofoga, ina ua pa le charger poo le fagamaa o lana telefoni i totonu o le taga o lona ofu. 

O Matthew 28 tausaga na faatalanoa e le Crrent Affairs i Ausetalia nei ma ia ta’ua ai sa i luga o le apefai e taufaapipii le air condition unit a se aiga ina ua faalogo atu i se pa’ō ma faateia ai o ia i le pa ane o le fagamaa lea ma toeitiiti aafia ai ona foliga.

Na ia ta’ua e lei maua se taavale a le falemai ae na ave lava e ia lana taavale i se fale’aiga lata ane ma vili ai loa le taxi ma agai ai i le falemai. 

E tele taotoga na faia o sia alii e pei ona lipotia ma o le faalavelave lenei o se tasi o faalavelave e faaopoopo atu i isi foi tulaga faapea muamua e mafua mai i maa o loo faaaoga i chargers, o lithiumion batteries e masani foi ona faaaoga i uila, e-scooters, laptops ma isi.

Ua fautuaina ai ma tupulaga talavou ma soo se tagata ina ia mataala i ia tulaga aemaise o le faaaogaina o ia oloa.

Fai mai o loo sauni le loia ale alii na aafia e ave i le tulafono le kamupani na gaosia le powerbank lea o le Comsol, lea o loo latou faailoa foi i le lipoti o nisi o a latou oloa na toe valaauina le faafoi ane ina ua iloa o loo iai tulaga e ono lamatia ai soifua.