O loo leoina e leoleo ua faaaupegaina Hawkes Bay ona o nisi o amioga o loo ta’ua ai kegi.
A o lē mautonu ai le toatele o tagata i vaega nei o Niu Sila ua faaleagaina e le afā, ta’ua mai o le taeao ananafi o loo tuuaia ai se tasi o sui o le kegi na ia faalala mai i fafo ma le taavale le laau malosi.
O lea ua maua e leoleo ma ua ave faatasi ai ma lana laau malosi.
I Hawkes Bay lava ia, e iai foi lipoti e iai sui o kegi o loo faamatauina nisi o tagata ua faaleagaina o latou fale ae gaoi.
O loo molimau mai foi leoleo i le tele o fale o aiga ua faaleagaina faapea pisinisi ua gaoia i Hawkes Bay ma o lea ua faaopoopo ai ma le aufaigaluega.
