Foliga ua toe vaaia foi le autetee lea sa tapunia ai auala i Ueligitone, ina ua vaaia i le aso le spray o luma o ofisa o faipule i ni mea faapei o se toto.
O le kulupu lea ua o latou faatino lea tulaga i ofisa i Aukilani, Christchurch, Dunedin ma Ueligitone ina ua le ogatasi a latou fuafuaga i le vaiaso talu ai sa faia ai le feiloaiga ma le minisita o felauaiga.
O se sooupu mai le kulupu lea, o James Cockle na ia ta’ua ua faailoa atu e le minisita ia i latou e le o iai se tupe e faatupe ai le passenger rail ma e le o aafia foi i le lisi o ana gaioiga e 10 pito i luga i lana lisi o meafai.
Fai mai le sooupu e leai sa latou fuafuaga o iai e taofia a latou tetee.
