Ua toe tusi a’ao le Malo e ala i se fa’aiuga a le Kapeneta na faamaonia a o lei faia leKerisimasi ma le Tausaga Fou e toe faatumau pea sui e to’atolu o le Komiti Faapitoa a le Malo e iloiloina totogi o tagata faigaluega uma a le malo poo le Renumeration Tribunal.
O ia sui e to’atolu ua toe fa’aauau mo le isi tolu tausaga o le ta’ita’ifono o le afioga Tuala Farani Chan Tung, a o sui e toalua o le afioga Muā’ausā Joseph Walter ma le tama’ita’i le afioga Lemalu poo le tōfā Tuiloma Sina Retzlaff.
O le faigamalo muamua a le vaega faaupufai o le Faatuatua i le Atua Samoa ua Tasi na uluai filifilia ai i latou i le tausaga e 2022 ma mae’a i le tausaga na te’a nei le 3 tausaga o le latou konekarate.
O lea komiti faapitoa a le malo e iloiloina totogi e aofia ai ma tofiga o le Ao o le Malo ma Sui o le Fono a Sui Tofia.
