O loo faaauau pea ona ta’ua mai le faatuai o mea’ai a fanau a’oga talu ona toe sui e le malo lenei polokalame.
Na lipotia e le Herald molimau a se tasi o a’oga i Sisifo o Aukilani, talu mai ona sui le faiga o le lunch programme i lenei tausaga, pe na o le tolu ea aso na vave atu ai.
E lē na o le pau lea o le a’oga, e faapea foi le to’atele ma maua e tala fou e iai nisi o a’oga tulagalua na toe faailoa i luga o le Facebook ma faailoa i mātua e le’i maua atu mea’ai i lea aso.
Ona o le faaauau pea ona tuai le kilivaina mai o mea’ai mo fanau, o lea ua faia ai lava e nisi o a’oga a latou sausage sizzles faapea weet bix mo fanau.
Ua faatoese le Peresetene o le New Zealand Principal’s Federation i a’oga ua aafia, ae mai le matagaluega o a’oga o lona ia mana’oga ia lagona e le School Lunch Collective le lē fiafia o a’oga aemaise o le lē aai o fanau.
E tuufaatasia tala o le taeao, e leai se tali mai le School Lunch Collective.
Puna o Faamatalaga: West Auckland school Kelston Intermediate turns to sausage sizzles after struggles with lunch delays – NZ Herald
