O loo faaauau pea ona leoina e leoleo Ōpōtiki i Bay of Plenty mai le asō faasolo atu i nai aso a sau.
I le mae’a ai o le sauniga o le maliu o le taitai o le kegi a le Mongrel Mob ananafi, o lea na lipotia mai ai laau malosi sa faapāpā agai i se taavale i Whakatane, e le mamao ma le nofoaga na faia ai sauniga o le maliu, ma e toalua lea ua molia ai.
O le molimau a leoleo e ono faaopoopo moliaga faasaga ia i laua ua taofia.
Ae mai le alii Palemia, Chris Hipkins anapo o se faanoanoaga le faalogo atu ua le a’e aoga ma tapunia auala mo femalagaiga ona o faiga a kegi ma e tuu atu pea i leoleo e faia la latou galuega aemaise ai o le faaaoga o le malosiaga fou lea e lei leva ona aloaia e faia ai e leoleo faaiuga.
