O loo faaauau pea ona leai se eletise i le faitau afe o fale o aiga i Aukilani ma Waikato i le mou atu ai o uiga loulouā o le tau na iai i le vaiaso nei.
E tuufaatasia tala o le taeao o le faamaoniga lea mai le Vector e tusa ma le 24,000 o ana paaga i Aukilani e lei toe ola lava le eletise ma ona o le lē saogalemu ona faatino o galuega a le aufaigaluega o le mafuaaga lea o le faatuai.
O le po o le Aso Lulu lea na motusia ai le eletise mai fale o le tusa ma le 50,000 aiga e aofia ai Aukilani ma Waikato, ma i faafanua na tuuina mai i lipoti a le Vector anapo o le tele o aiga Aukilani aafia o i latou nei i le itu i Sisifo ma Matu.
Ae i Waikato, e tusa ma le 22,000 na motusia eletise, ma e tuufaatasia tala fou o loo aafia pea le faitau afe.
Puna o Faamatalaga: About 24,000 Auckland homes lost power at storm’s peak, thousands remain without in upper North Island – NZ Herald
