O loo matauina pea le faaauau ona iai o le faafitauli i le polokalame o avanoa i galuega faavaitaimi i atunuu i fafo i le talosaga atu o tagata o loo iai galuega lelei e pei o tausi soifua ma i latou e galulue i le vaega o turisi. 

I lipoti a le Samoa Observer ua faailoa ai le toatele o i latou i le galuega tau turisi poo le tourism operators ua malaga i nei galuega e le gata o Niu Sila ae faapea Ausetalia, e aofia ai se tagata kuka (chef) i se tasi o faletalimalo a le atunuu. 

O le alu ese ai o lea tagata kuka na feagai ai le faletlaimalo ma le toe tau sailia o se isi e faaauauina le glauega. 

O le popolega tele o loo iai faauluuluga o matagaluega ma faalapotopotoga a le malo o le lusi uma o tagata faigaluega a le atunuu i galuega faavaitaimi ae ua tau leai nisi e faia galuega o Samoa. 

Ua faaalia e nisi o tausi soifua o loo ua talosaga mo nei avanoa e lei mafai ona faailoa o latou suafa o le tele lava o le faaiuga na faia ona o le tele o le seleni e maua mai galuega faavaitaimi e tausi ai o latou aiga pe a fua atu i totogi o loo iai nei.