Ua faaalia mai e lipoti a Ofisa faasalalau i Ausetalia le Fox News ma le Daily Telegraph le toe faaauau ai o le konekarate a le alii o Brian Too e taalo ai mo le Panthers.
E le gata i lea ua faailoa foi e na o le tasi le tausaga o le a faafou ai le konekarate a le alii o Stephen Crichton mo le Panthers ae ua iai foi lipoti e faapea e ono taalo ai lea alo o Samoa mo le ‘au a le Bulldogs.
O lea suiga na maua ona o le manao o Crichton e taalo i le tulaga o le fullback peitai ua uma ona saini le isi alii i lea tulaga, lea la ua tasi ai le tausaga e taalo ai mo le Center i le Panthers.
E toatele foi nisi o le ‘au a le Panthers lea ua toe saini konekarate e faaauau ai le taaalo mo lea ‘au a Ausetalia.
E pei ona silafia o le Panthers o loo toatele alo ma tamafanau a Samoa o loo taaalo ai ma o i latou foi nei na filifili e taaalo mo le Toa Samoa i le Ipu o le lalolagi lea faatoa mae’a atu lea na pine siliva ai Samoa i le faatulaga atoa o ‘au o le taamilosaga.
