O lea ua uma ona tufa fua i Aukilani, ae o lea o le a faaauau i Hawke’s Bay.
E le o malolo le ofisa o faamaumauga poo le Stats NZ i le taumafai ia faatumu pepa o le tusigaigoa ma o lea ua tapena e tufa fua pepa ulufale i tagata e agai atu e faatumu pepa o le tusigaigoa i le taaloga o le a faia i le paka a McLean i Napier i le Aso Toonai nei.
O le masina talu ai na faia ai le faalauiloa lava lenei e tasi i le taaloga a le Warriors ma e tusa ma le 2000 pepa o le tusigaigoa na mafai ona faatumu ai.
Fai mai le ofisa o faamaumauga o se faiga ia tosina mai ai tagata ma faatupulaia ai le fuainumera o tagata e auai i le tusigaigoa a le atunuu.
A o lei oo i le taaloga i le Aso Toonai nei, o le aso a taeao ma le Aso Lulu o le a amata faalauiloa ai e le ofisa o faamaumauga pepa ulufale maua fua nei i Hastings.
Ae i se tala lata mai mai le ofisa o faamaumauga e oo mai i le Aso Faraile faatoa uma atu ua lata i le 4.5 miliona pepa faatumu o le tusigaigoa ua faafoi mai, ma ua faamautinoa mai foi o lea ua faaopoopo le fesoasoani mo tagata Pasefika ma Maori e lei faatumuina lava pepa o le tusigaigoa.
O le vaiaso foi lenei ua amata alu ai i tua Final Notice packs e tusa ma le 55,000 i aiga e lei faatumuina lava pepa o le tusigaigoa a o toe faaauau ai seia oo i le masina o Iuni le valaau mulimuli e faatumu pepa o le tusigaigoa.
