O le vaiaso lenei ua amatalia ai le laasaga muamua o le poloketi mo manu ainiu lea o loo faaleagaina ai le siosiomaga.
O loo amata lenei poloketi e ala i aoaoga i le motu tele i Salafai ma e a’oa’oina ai le aufaifaatoaga i nuu ma afioaga i metotia e faatino e faaitiitia ai le manu ainiu.
I faamatalaga mai le vaega o atina’e faipisinisi a tina a lelei ma sa’o ona faaaogā nei metotia e faaumatia ai o le a saogalemu ma ola lelei toganiu lea o loo faatama’ia e lenei manu.
O lenei poloketi o loo faatupeina e le Malo o Amerika e tauala mai i seleni o loo faamatuu i atina’e e $997,564 lea ua foaiina e faatautaia ai polokalame auā le foia ai o lenei faafitauli i le siosiomaga.
O loo galulue faatasi ai ma le Matagaluega o Faatoaga ma le kamupani a le Skyeye ina ia mafai ona faataunuuina lenei faamoemoe.
