E tulaga ese foi faamatalaga e faatatau i se faalavelave na tula’i mai i Melepone i le vaiaso nei ua faamanu’alia ai se alii e 39 tausagae
O lipoti a le 9News ua ta’ua ai o lē ua aafia na osofa’i i se agaese i se magāala i Melepone ma taoto ai lava i le nofoaga na aafia ai a o valaau e nisi o molimau se fesoasoani.
Ua faailoa i le lipoti o le po o le Aso Sa na tupu ai, sa o ane ai talavou e to’alua ma finau i le 39 tausaga lea e tuu ane le ki o lana taavale, na musu si tagata lea ma osofa’i ai loa e le alii 15 tausaga i le agaese ma sosola ese ai.
E feta’ua’ina o le ulu o si tagata lea na aafia ma taumafai ai e poloka le manu’aga a o tālia se fesoasoani.
Ua lipotia o lē na aafia e mai St Albans ma sa togafitia i le falema’i ae ua pu’e e leoleo i le aso ananafi le alii 15 tausaga lea ae o loo su’e pea le tamaitai na o la to’alua.
Puna o Faamatalaga: https://www.9news.com.au/national/melbourne-news-man-allegedly-injured-in-st-kilda-during-armed-robbery-machete/267157a0-f01c-4a5f-9b6d-58ddaa9242d4
