Ua toe augani mai i tagata o loo o i matafaga mo taelega, e utagia fautuaga.
O se valaau ua sau ai i le mae’a laveai o le 13 tagata e lifeguards, e ese ai ma le isi toasefulu i le aso o le Kerisimasi.
O tagata nei e aofia ai ma le toatasi i Piha e lei usitaia fu’a o loo faailoga ai vaega o le sami e tatau ona iai i taimi o taelega.
Mai le Surf Life Saving, o se faanoanoaga le lē usitaia e tagata lautele o faailoilo ma fautuaga ua mae’a tuuina mai mo le saogalemu o tagata uma.
Ae mai leoleo o loo fautuaina foi tagata lautele ia tautuana le saogalemu a o iai i taelega.
I faamaumauga o lenei tausaga o tagata maliliu e mafua mai ua malemo i le vai e 86, ma o le 85% o alii.
